Sariosiyoda ‘Tengdosh-tengdoshga’ loyihasi doirasida tajriba almashuv uchrashuvi o‘tkazildi

Ixtisoslashtirilgan ta’lim muassasalari agentligi tizimidagi Sariosiyo tuman ixtisoslashtirilgan maktab-internatida “Tengdosh-tengdoshga” loyihasi doirasida Denov tuman 2-son ixtisoslashtirilgan maktab-internati va Uzun tuman ixtisoslashtirilgan maktab o‘quvchilari mehmon bo‘lishdi. 📎 Tashrif davomida xalqaro IELTS, SAT kabi imtihonlarda yuqori natijalar qayd etgan o‘quvchilar o‘z tengdoshlariga bosib o‘tgan yo‘li hamda natijaga erishish jarayonlari haqida seminar tashkil qilib berishdi. 📎 Bundan tashqari, seminar turli xil aktivitilar, qiziqarli o‘yinlar, psixologik treninglar va zakovat o‘yinlari bilan davom etdi. 📎 Yakunda coffee break tashkil etilib, ishtirokchilar sertifikatlar bilan taqdirlandi hamda Sariosiyo tuman ixtisoslashtirilgan maktab-internati o‘quvchilari tomonidan motivatsion nutqlar taqdim etildi.